Wy binne op it  stuit al drok dwaande mei de rippetyjes fan “ De ynbylde syke “ dat wy op 25 en 26 novimber  opfiere  sille.  “De  ynbylde syke” is fan de hân fan Moliѐre, berne as Jean-Baptiste Poquelin (1622-1673).
Dizze Frânsman wie njonken  toanielskriuwer ek noch akteur yn û.o  syn eigen stikken en hie him talein op it skriuwen fan satirische komeedzjes.
“De ynbylde  syke” is bewurke troch Judith de Rijke en Judith Wendel en yn it  Frysk  oersetten troch  Bouke  Oldenhof.
Haadpersoan is Rinse dy’t de hiele dei besteld is mei syn ynbylde  krupsjes en kwaaltjes. Hy slyt syn dagen mei it roppen om de dokters en it kleien oer harren rekkens dy’t  stéfêst  op de konsulten folgje.  Yn ‘e hoop op in fergese medyske fersoarging wol hy syn dochter Annie  úthoulikje oan in net sa oantrekkelike jonge dokter. Syn  leafhawwende  fersoarchster Djoeke en syn twadde frou Beitske hawwe lykwols hiele oare plannen. Betizing en hilaryske ferwikkelingen binne it gefolch yn dizze komeedzje.

“De ynbylde syke”  wurdt spile troch:  Willem Scholte, Saapke Beuker, Piet Smidt, Janneke Joekema,  Benno Snijder, Jantina  Visser, Ypie Roorda, Siemen  de Jong en Pietie  Stienstra. De regy is yn hannen fan Harm Veenema.
Net fersitte dus en op nei “De Smalle Brug “ op 25 en 26 novimber 2011 Ynformaasje omtrint  de kaartferkeap fine jo begjin novimber yn de Omropper Oant sjen!